පදිකයින් සදහා වෙන්වූ ලොව දිගම පාලම උතුරු පෘතුගාලයේ දී පසුගිය 2 වනදා නිල වශයෙන් විවෘත කළ බව විදෙස් මාධ්‍ය වාර්තා කරයි.
අරූකා පාලම දිගින් මීටර් 516 ක් වන අතර එය වේගයෙන් ගලා යන පයිවා ගඟට මීටර් 175 ක් ඉහළින් පිහිටා තිබේ.
එම පාලම ඇගුවිරාස් දිය ඇල්ල සහ පයිවා ජෝර්ජ් සම්බන්ධ කරයි.
ද ගාඩියන් පුවත්පතට අනුව, ඉරිදා දින නිල විවෘත කිරීමේ උත්සවයට පෙර, අවට නගරයේ මිනිසුන්ට එය දැකගැනීමට අවස්ථා ලබාදී තිබේ.
එහිදී මෙම පාලම මතින් ගමන්ගත් කළ පළමු පුද්ගලයා වූයේ හියුගෝ සේවියර් ය.
ඔහු තම අත්දැකීම මෙසේ පවසයි.
“මම ටිකක් බය වුණා, නමුත් එය ඉතාම වටිනවා. එය අසාමාන්‍ය, අද්විතීය අත්දැකීමක්” හියුගෝ සේවියර්
මෙම පටු පාලම ඉදිකිරීමට වසර දෙකක් පමණ ගත වී තිබේ. එය කලාපයේ මූලික ආකර්ෂණය දිනා ගැනීමට සමත් ස්ථානයක් බව නගර නගරාධිපතිවරයා සදහන් කරයි.
එමෙන්ම මෙම පාලම පිළිබඳ සදහන් කිරීමේදී එය ටිබෙට් විලාසිතාවේ එල්ලෙන පාලමක් වන බව සදහන් වේ. එය වානේ කේබල් සහ විශාල V හැඩැති කුලුනු දෙකකින් ද රේල් පීලි දෘඩ දැල්වලින් යුක්ත වන අතර තට්ටුව මීටර් 127 ක් දිග මොඩියුල වලින් සාදා ඇත.
මෙම පාලම පෘතුගීසි චිත්‍රාගාරයක් වන අයිටෙකන්ස් විසින් නිර්මාණය කර ඇති වාර්තාවන්හි සදහන් වේ.
අරූකා පාලම ඉදිකිරීම සඳහා ඩොලර් මිලියන 2.8 ක් වැය වී තිබේ.
සියලු සංචාරකයන්ට ගමන් ගැනීමට අවසර දී තිබෙන අතර වයස අවුරුදු 6 ට අඩු ළමයින්ට එහි ගමන් කිරීමට අවසර දි නොතිබේ.
මෙම පාලම විවිධ වර්ගයේ පුද්ගලයින්ගේ උනන්දුව ඉලක්ක කර ගැනීම බව අරූකා මහ නගර සභාව ප්‍රාදේශීය සභාව සදහන් කරයි.
